Skip to main content
  • 1 Esdras 5
    • 1  По сих же избрани суть изыти началницы домов отечеств по племеном их, и жены их, и сынове их, и дщери их, и раби их, и рабыни их, и скоти их:
    • 2  и Дарий царь посла с ними конники тысящу, дондеже возведут их во Иерусалим с миром и с мусикиею, с тимпаны и трубами:
    • 3  и вся братия их бяху играюще, и сотвори их взыти вкупе с ними.
    • 4  И сия суть имена мужей, иже взыдоша по отечеством своим и по коленом в части началств своих:
    • 5  священницы сынове Финееса, сына Аароня, Иисус сын Иоседека Сареова и Иоаким сын Зоровавеля сына Салафиилева, от дому Давидова, от рода Фаресова, колена же Иудина,
    • 6  иже глаголаше при Дарии цари Персстем словеса премудра, во второе лето царства его, месяца Нисана, перваго месяца.
    • 7  Суть же сии от Иудеи изшедшии от плена преселения, ихже пресели Навуходоносор царь Вавилонский в Вавилон,
    • 8  и возвратишася во Иерусалим и во прочую Иудею, кийждо во свой град, иже приидоша с Зоровавелем и Иисусом, Неемиею, Захариею, Рисеем, Енинием, Мардохеем, Веелсаром, со Асфарасом, с Реелием, с Роимом с Вааном, началники их.
    • 9  Число сущих от языка и началницы их: сынове Форосовы две тысящы и сто седмьдесят два, сынове Сафатовы четыреста седмьдесят два,
    • 10  сынове Аресовы седмь сот пятьдесят шесть,
    • 11  сынове Фааф-Моавли две тысящы осмь сот и дванадесять,
    • 12  сынове Иламовы тысяща двести пятьдесят четыре, сынове Зафуины девять сот четыредесять пять, сынове Корвеовы седмь сот пять, сынове Ваниины шесть сот четыредесять осмь,
    • 13  сынове Виваины шесть сот двадесять три, сынове Садасовы три тысящы двести двадесять два,
    • 14  сынове Адоникамовы шесть сот шестьдесят седмь, сынове Вагоины две тысящы шестьдесят шесть, сынове Адинуевы четыре ста пятьдесят четыре,
    • 15  сынове Атирезекиевы девятьдесят два, сынове Килановы и Азитасовы шестьдесят седмь, сынове Азурановы четыре ста тридесять два,
    • 16  сынове Ананиевы сто един, сынове Аромовы тридесять два, сынове Вассаевы триста дванадесять три, сынове Арсифурифовы сто два,
    • 17  сынове Метировы три тысящи пять, сынове от Вефломонов сто двадесять три,
    • 18  иже от Нетофаи пятьдесят пять, иже от Анафофа сто пятьдесят осмь, иже от Вефсамоса четыредесять два,
    • 19  иже от Кариафиарима двадесять пять, иже из Кафиры и Вирофа седмь сот четыредесять три, иже из пиры седмь сот,
    • 20  иже Хадиасовы и Амидиевы четыре ста двадесять два, иже от Кирама и Гаввиса шесть сот двадесять един,
    • 21  иже от Макалона сто двадесять два, иже от Витолиа пятьдесят два, сынове Нифисовы сто пятьдесят шесть,
    • 22  сынове Каламолалуевы и Онусовы седмь сот дванадесять пять, сынове Иереховы триста четыредесять пять,
    • 23  сынове Анаасовы три тысящы триста тридесять.
    • 24  Жерцы: сынове Иеддуа, сына Иисуева, с сыны Санасивовыми девять сот седмьдесят два, сынове от Мируфа тысяща пятьдесят два,
    • 25  сынове Фасарони тысяща четыредесять седмь, сынове Хармиевы тысяща седмьнадесять.
    • 26  Левити же: сынове Иесуевы и Кадмииловы, и Ваннуевы и Судиевы, седмьдесят четыре.
    • 27  Священнопевцы: сынове Асафовы сто четыредесять осмь.
    • 28  Дверницы же: сынове Салумовы, сынове Аттаровы, сынове Толмановы, сынове Дакувиевы, сынове Титаевы, сынове Самиевы, всех сто тридесять девять.
    • 29  Священнослужителие: сынове Исавовы, сынове Асифаевы, сынове Таваофовы, сынове Кирасовы, сынове Судовы, сынове Фалеевы, сынове Лаванаевы, сынове Аграваевы,
    • 30  сынове Акуаевы, сынове Утаевы, сынове Китавовы, сынове Агаваевы, сынове Сиваиевы, сынове Анани, сынове Кафуаевы, сынове Геддуровы,
    • 31  сынове Иаировы, сынове Десановы, сынове Ноиваевы, сынове Хасеваевы, сынове Газираевы, сынове Озиевы, сынове Финоевы, сынове Асараевы, сынове Васфаиевы, сынове Асанаевы, сынове Меаниевы, сынове Нафисиевы, сынове Акувовы, сынове Акифаевы, сынове Асуровы, сынове Фаракимовы, сынове Васалофовы,
    • 32  сынове Меедаевы, сынове Куфаевы, сынове Хареевы, сынове Харкусовы, сынове Асирари, сынове Фомиевы, сынове Насифовы, сынове Атифаевы.
    • 33  Сынове отрок Соломоновых: сынове Асапфионовы, сынове Фарираевы, сынове Иеилевы, сынове Лозони, сынове Издаилевы, сынове Сафифовы,
    • 34  сынове Агиаевы, сынове Фахарефовы, сынове Савиины, сынове Сарофиевы, сынове Масиасовы, сынове Гаровы, сынове Аддусовы, сынове Сувасовы, сынове Афераевы, сынове Варадисовы, сынове Сафатовы, сынове Алломовы.
    • 35  Всех священнослужителей и сынов отрок Соломоновых триста седмьдесят два.
    • 36  Сии возшедшии от Фермелефа и Фелерсаса, вождь их Хараафаларь и Ааларь,
    • 37  и не могоша возвестити отечеств своих и родов, яко от Израиля ли суть: сынове Ладана сына Ванова, сынове Некодановы, шесть сот пятьдесят два:
    • 38  и от жерцев творящии жречество, и не обретошася: сынове Авдиины, сынове Аккосовы, сынове Аддуса, поемшаго Авгию жену от дщерей Верзеллеевых, и прозван бысть во имя его:
    • 39  и сих взыскану бывшу родословному писанию и не обретену, отлучени суть от священства.
    • 40  И рече им Неемиа и Атфариа, да не причащаются святынь, дондеже востанет архиерей облечен во изявление и истину.
    • 41  Вси же бяху от Израиля, от двунадесяти лет и выше, кроме рабов и рабынь, четыредесять две тысящы триста шестьдесят: раби сих и рабыни седмь тысящ триста четыредесять седмь, певцы и певицы двести четыредесять пять:
    • 42  велблюд четыре ста тридесять пять, коней седмь тысящ тридесять шесть, мсков двести четыредесять пять, подяремник пять тысящ пять сот двадесять пять.
    • 43  И от настоятелей по отечеством, егда приидоша во храм Божий, иже во Иерусалиме, обещаша воздвигнути храм на месте его по силе своей
    • 44  и даяти во святое сокровище на дела злата мнас тысящу и сребра мнас пять тысящ и риз священнических сто.
    • 45  И вселишася священницы и левити, и иже (изыдоша) от народа во Иерусалим и во страну, и священнопевцы, и дверницы, и весь Израиль в селех своих.
    • 46  Настоящу же седмому месяцу и сущым сыном Израилевым коемуждо во своих, собрашася единодушно во двор первых врат восточных.
    • 47  И востав Иисус сын Иоседеков и братия его священницы и Зоровавель сын Салафиилев и братия его, уготоваша олтарь Богу Израилеву,
    • 48  да возносят на нем всесожжения по чину, якоже в книзе Моисеа человека Божия писана суть,
    • 49  и собрашася к ним от иных народов земли, и воздвигнуша жертвенник на месте своем, яко во вражде бяху с ними, и премогоша их вси языцы земстии: и приношаху жертвы по времени и всесожжения Господеви, утреннее и вечернее.
    • 50  И сотвориша кущей потчения праздник, якоже повелено в законе, и жертвы на всяк день, якоже подобаше,
    • 51  и по сих приношения непрестанная, и жертвы субботния и новомесячныя и праздников всех освященных.
    • 52  И елицы обещаша обет Богу от новомесячия седмаго месяца, начаша приносити жертвы Богу, храм же Господень не бысть еще создан.
    • 53  И даша сребро каменосечцем и делателем пищу и питие с радостию, и даша карры Сидоняном и Тиряном, да привозят им от Ливана древа кедрова, да приведут судна во Иоппийское пристанище, по повелению, еже писано бысть им от Кира царя Персскаго.
    • 54  И во второе лето пришед во храм Божии во Иерусалим, месяца втораго, нача Зоровавель сын Салафиилев и Иисус сын Иоседеков и братия их, и священницы, левити и вси, иже приидоша от пленения во Иерусалим,
    • 55  и основаша храм Божий в новомесячии втораго месяца втораго лета, егда приидоша во Иудею и во Иерусалим,
    • 56  и поставиша левиты от двадесяти лет на дела Господня: и ста Иисус и сынове его и братия и Кадмиил брат, и сынове Мадиавуни, и сынове Иодаа Илиадуева с сынми и братиями, вси левити единодушно дела призирателие, творяще дела в дому Господни, и создаша делателие дом Господень.
    • 57  И сташа священницы облечени в ризы с мусикиею и трубами, и левити сынове Асафовы имеюще кимвалы, восхваляюще Господа и благословяще, по Давиду царю Израилеву,
    • 58  и пояху песньми благословяще Господа, яко благость Его и слава во веки во всем Израили.
    • 59  И вси людие вострубиша и возгласиша гласом великим, восхваляюще Господа о воздвижении дому Господня.
    • 60  И приидоша от священников, левитов и предстоятелей по отечеством своим старейшины, иже видеша прежний дом, к сему созиданию с плачем и воплем великим,
    • 61  и мнози со трубами и радостию гласа велия,
    • 62  яко людем не слышати труб плача ради людскаго, народ бо бысть трубящь зело, яко далече слышатися.
    • 63  И услышавше врази колена Иудина и Вениаминова, приидоша познати, кий глас трубный?
    • 64  И познаша, яко сущии от пленения созидают храм Господу Богу Израилеву.
    • 65  И приступльше к Зоровавелю и Иисусу и к началником отечеств, рекоша им: да созидаем вкупе с вами:
    • 66  тако бо, якоже вы, слушаем Господа вашего и Ему жрем от дний Асвасарефа царя Ассирийскаго, иже пресели нас зде.
    • 67  И рече им Зоровавель и Иисус и началницы отечеств Израилевых: несть вам и нам созидати дом Господу Богу нашему:
    • 68  мы бо сами созиждем Господу Богу Израилеву по чину, якоже повеле нам Кир царь Персский.
    • 69  Языцы же земстии стужающе сущым во Иудеи и пакости творяще, не попущаху созидати,
    • 70  и козни и людий наводяще и крамолы творяще возбраниша совершити дело созидания во все время жизни Кира царя, и препятие сотвориша созиданию лета два, даже до Дариева царства.
  • King James Version (kjv)

    • Active Persistent Session:

      To use a different persistent session key, simply add it above, and click the button below.

      How This All Works

      Your persistent session key, together with your favourite verse, authenticates you. It links to all your notes and tags in the Bible. You can share it with loved ones so they can see your notes and tags.

      However, to modify your notes and tags, you need both the persistent session key and your favourite verse.

      Please Keep Your Favourite Verse Private

      Your persistent session key and favourite verse provide you exclusive access to edit your notes and tags. Think of your persistent session key as a username and your favourite verse as a password. Therefore, ensure your favourite verse is kept private.

      The persistent session key allows viewing, while editing is only possible when the correct favourite verse is provided.

    • Loading...

  • 1757 Church Slavonic Elizabeth Bible (csielizabeth - 1.5.2)

    2011-08-17

    Slavonic Elizabeth (cu)

    1757 Church Slavonic Elizabeth Bible
    This electronic edition comes from rusbible.ru and features modernized spelling.

    • Encoding: UTF-8
    • Direction: LTR
    • LCSH: Bible. Church Slavonic.
    • Distribution Abbreviation: csielizabeth

    License

    Public Domain

    Source (OSIS)

    rusbible.ru

    history_1.0
    First release
    history_1.5
    Updated to reflect new versification (2010-11-06)
    history_1.5.1
    Corrected MinimumVersion (2011-08-17)
    history_1.5.2
    (2022-08-02) Fix typo in configuration file
API: 1 Esdras 5
getBible.net Logo

Favourite Verse

You should select one of your favourite verses.

This verse in combination with your session key will be used to authenticate you in the future.

This is currently the active session key.

Should you have another session key from a previous session.
You can add it here to load your previous session.

1 Esdras 5:

Sharing the Word of God with the world.
  • Share Text
    ...
  • Share Link
Notes Tags

1 Esdras 5:1

Tagging this verse.

The active verse selected text should load here.

Active

Available Tags

Drag and drop the desired tag from the available ones to the active area.

To un-tag a verse, drag and drop the desired tag from active to the available tags area.

Notes Share

Edit Tag

Create Tag

1 Esdras 5:1

Notes on this verse.

The active verse selected text should load here.

Tags Share